Доналд Трамп, Виктор Орбан или Реџеп Таип Ердоган користат говор на омраза со “отровна” реторика кон некои групи и сето тоа го прави светот понесигурен, алармира организацијата за човекови права Амнести Интернешнел во својот последен извештај.
“Говорите на Доналд Трамп, Виктор Орбан, Реџеп Таип Ердоган, Родриго Дуерте од Филипини… се фокусираат на цели групи население и ќе означуваат како жртвени јагниња ширејќи ја идејата според која некои лица се помалку “хумани” од други”, вели Амнести.
Првите жртви на овој говор се бегалците. Извештајот ја цитирира анти-имиграциската наредба на Трамп за привремено затворање на границите на САД на земји со муслиманско мнозинство. Или “незаконскиот и неодговорен” договор помеѓу ЕУ и Турција за бегалците според кој тие луѓе мораат да се испратат од ЕУ во Турција.
Амнести цитира 36 земји кои “го нарушиле меѓународното право и нелегално ги вратиле бегалците во земји во кои нивните права се под закана”.
Овие зборови на отфлање и омраза имаат директно влијание на правата и слободите:
“Владите бараат да се донесат закони кои го ограничуваат правото на азил, слободата на говор, го озаконуваат масовниот надзор на луѓето и им даваат неограничени права на безбедносните сили”.
Проблематично е тоа што овие акции не ги прават само екстремистите, туку се повеќе центристичките партии, вели Џон Далхејзен, директор на Амнести за Европа.
На пример, ваков говор е кога Унгарецот Орбан за бегалците вели дека се “отров”, кога холандскиот екстремист Герт Вилдерс вели за холандските граѓани со мароканско потекло дека се “марокански олош” или кога холандскиот премиер во отворено писмо го повикува мигрантите да се однесуваат нормално или да си одат дома.
Муслиманите се главните цели на “европската демагогија” бидејќи се претставени како “закана за безбедноста, националниот идентитет, крадци на работни места или злоупотребувачи на системот за социјална заштита”, вели директорот за Европа.
Организацијата повеќе не верува дека европските или светските лидери ќе го сменат тонот или дека ќе почнат да ги почитуваат правата и слободите. И ги повикува граѓаните да се мобилизираат и да реагираат на ова клима на омраза која светот го прави нестабилен.
“2017 година треба да биде година на отпор. Нашите надежи лежат во народот”, изјавува Салил Шети, претседател на Амнести Интернешнел.
Извештајот носи таков наслов: Време е да станеме сите заедно и да кажеме стоп на политиката на демонизација која креира поделен и опасен свет.