Поранешната директорката на Државниот инспекторат за животна средина, Ана Петровска преку граѓанската иницијатива „Зелен хуман град“ влегува во трката за градоначланик на Град Скопје
Петровска најави дека е пресреќа што со овие луѓе имаат слична визија како треба градот да се управува.
– Мислам дека заедно можеме да ги направиме промените кои граѓаните ги очекуваат. Сакаме да го отвориме градот кон јавноста, да бидеме поотчетни и да се дознае како се трошат парите на граѓаните и како планураме да ги надградуваме услугите на граѓаните. Во носење на одлуките ќе ги вклучиме младите, маргинализираните групи и луѓето со хендикеп. Сакаме убав и зелен град! Ќе работиме на генералниот урбанистички план кој ќе ја запре бетонизацијата и ќе го заштити постоечкото зеленило. Урбаната мобилност ќе се зајакнува давајќи предност на велоспипедизмот и пешачењето за да го намалиме загадувањето на воздухот, истакна Петровска
Петровска напомена дека како градоначланик на Скопје ќе се грижи за загадувањето на воздухот, и со сите надлежни органи ќе учества за подобар квалитет на воздухот. Вети дека конечно ќе се затвори Вардариште, рак раната на градот, расчистување на дивите депонии, но и ќе вложува во енергетската ефикасност во училиштата, болниците и ќе вградуваме фотоволтаични системи.
– Ќе дадеме простор на младите да се изразат и социјализираат. Има можност, додаде таа да се направи градска кујна, да се направат урбани градини и мслам дека сите заедно можеме да направиме големи работи, додаде таа.