Светскиот сервис на Би-Би-Си објави анализа на првата прес-конференција на Талибанците по паѓањето на Кабул во нивни раце и на нивните комуникации, генерално. Заклучокот е дека Талибанците се обидуваат да шармираат и сакаат да остават впечаток дека се смениле.
Талибанците водат софистицирана ПР кампања, на повеќе платформи и на повеќе јазици а целта е да им ги освојат срцата на Авганистанците но и на меѓународната заедница, се наведува во анализата.
На социјалните мрежи, Талибанците објавуваат огромен број на пораки, со кои сакаат да го освојат локалното население, банките, бизниситем странските работници , инвеститорите , соседите и играчите во регионот. Им понудија амнестија на поранешните вработени во владините институции како и на Авганистанците кои работеле за американската и за другите војски и повеќекратно повториле како сакаат да создадат „ „безбедно и стабилно опкружување“ за сите во Авганистан.
Свесни за загриженоста поради правата на жените и девојчињата, Талибанците вчера на Твитер објавија фотографии од девојчиња кои се на пат за во училиште, со информација дека образованието ќе им продолжи исто како и пред нивното доаѓање. Истиот ден е објавена снимка од талибански службеник кој уверува една група на доктори и сестри , дека смеат да продолжат да работат.Жените на снимката носеле нормален вел наместо бурка која го покрива лицето и косата.
Но, во меѓувреме се е поголем бројот на извештаите од теренот во кои се известува дека девојките се повеќе се присилувани да се омажат за талибанските борци, пренесува Би- Би-Си.
Со фотографиите, снимките и останатите објави, талибанците се обидуваат да создадат впечаток дека се во Авганистан е под нивно владение, дека функционира нормално или дури подобро отколку порано . Дури и своето молскавично освојување на земјата и го припишуваат на својата наводно голема популарност меѓу населението.
Нивниот успех ќе зависи од тоа колку ќе бидат флексибилни и прагматични , но во исто време секој обид за освојување политички бодови, би можел да ги делигитмизира во очите на останатите џихадистички движења, се наведува во анализата на Би-Би-Си