Горди сме што на светскиот ден на енергетска ефикасност може да се пофалиме со донесувањето на Законот за енергетска ефикасност како и со законот за енергетика, како европски закони што се, пред сe, во интерес на граѓаните. Во изминатите 2,5 години, Владата директно субвенционира 3.853 домаќинства или 105.700.000 денари за ПВЦ и 24.000.000 денари за сончеви колектори што се вградија во 2.855 домаќинства, истакна Митко Андреевски, претседател на Комисијата за енергетика во СДСМ.
Со овие Закони што требаше, како што нагласи, да бидат донесени уште во 2014 година, се исполнуваат обврските кон Енергетската заедница, но уште поважни се придобивките за граѓаните и компаниите за кои се отвора можност за либерализација на пазарот на енергија по сопствен избор на снабдувач со енергенси.
„Законите за енергетска ефикасност и за енергетика овозможуваат зголемување на учеството на обновливите извори на енергија во вкупното производство на електрична енергија, при што Владата предводена од СДСМ ќе се посвети да ги поттикне граѓаните за поголемо искористување на сите расположливи потенцијали за производство на електрична енергија од сонце, ветер и вода“, рече Андреевски.