Според Генералот Стојанче Ангелов, лидер на партијата Достоинство, полицијата оваа вечер е исклучително коректна.
– Полицијата е исклучително коректна особено имајќи в предвид дека од страна на демонстрантите нема никакви проблеми. Оние неколку провокатори кои ги имаше претходните денови се тргнати и не им дозволивме да стапат на сцена. Се надевам дека така ќе остане до крајот, вели Ангелов во изјава за НОВА.
Генералот Ангелов вели доколку забележи провокатори, тој со неговите луѓе лично ќе им ги предадат на полицијата.
– Нам насилство не ни треба. Овие полицајци за кратко време ќе дојдат со нас. Нам ни требаат 100.000 граѓани, рече Ангелов додавајќи дека ако вечерва има повеќе од 20.000 до утре таа бројка да прерасне на 50 па и до 100 илјади бидејќи само така може да падне режимот, дополни Анеглов.
Денешните протести за почнаа пред Специјалното јавно обвинителство, се движеа кон Собранието каде што имаше блокада од полициски кордон со водени топови и метални барикади. Демонстрантите се движеа кон Камениот мост но и таму наидоа на полициска блокада.
По неколку нагодувања со полицијата која им го затвори сите премини, полицијата попушти и дозволи протести пред Владата на Република Македонија каде се скандира против лидерот на ВМРО-ДПМНЕ, Никола Груевски