Фудбалската асоцијација на Англија потврди – Герет Саутгејт ќе биде селектор на репрезентацијата до 2020 година. Тој ја презема работата со националниот тим есенва како привремено решение по скандалот со Сем Алардајс, а денеска и официјално потпиша четиригодишен договор со клаузула дека може да биде раскинат по Светското првентво во Русија во 2018 година.
„Горд сум што останувам како селектор на нашата репрезентација. Свесен сум дека ова е само еден чекор во мојата работа. Допрва доаѓа големата обврска и задачи за мене“, изјави Саутгејт по промоцијата.
Новиот англиски селектор беше менаџер на Мидлсборо три години, а до 2013 година и на кормилото на младата репрезентација.
„Го предводев тимот во изминатите четири меча и остварив одлични контакти со играчите и со сите во стручниот штаб. Подготвен сум да дадам се што е до мене за нашата репрезентација да напредува од ден во ден за враќање на патот на стабилноста и старата слава“, додаде Саутгејт.