Лестер не е ниту сенка на изданијата од ланската сезона со кои сензационално ја освои титулата во Премиерлигата. Англискиот првак, во тековната, се соочува со губење на статусот во елитната конкуренција на Островот по поразот од Свонси во Кардиф со 2:0, петти во низа за екипата на Клаудио Раниери која во наредното коло ја очекува натпревар со Ливерпул на домашен терен.
Мосон во 36 минута и Олсон во судиското продолжение на првото полувреме обезбедија предност за велшкиот состав, а резултатот не претрпе промена до крај на средбата. „Лисиците“ немаат постигнато гол цели 600 минути во првенството од почетокот на 2017 година и се наоѓаат на 17 место на табелата или само бод над зоната за испаѓање.
Во вториот неделен меч Барнли и Челзи одиграа 1:1. Колото ќе се комплетира со мечот Борнмут – Манчестер сити (понеделник, 20,45 ч.).