Коалициските партнери СДСМ и Беса имаат предност од пет отсто во однос на ВМРО-ДПМНЕ, покажува анкетата на Меѓународниот Републиканска Институт (ИРИ) објавена денеска. Направена е теренски, опфаќа 1.222 испитаника и реализирана е во февруари, пред да биде официјализиран предизборниот „брак“ меѓу партиите на Зоран Заев и Билал Касами.
На прашањето „За кого би гласале доколку изборите се одржат сега во недела?“, 17 отсто од анкетираните одговориле со СДСМ, додека ВМРО-ДПМНЕ бил избор на 16 отсто од нив. За ДУИ се определиле седум отсто, за Алијансата на Албанците пет отсто, за „Беса“ четири отсто и за ДПА и за „Левица“ по еден отсто.