Антикорупциската комисија отвори две постапки за утврдување дали постои судир на интереси при изборот на обвинители за гонење организиран криминал во Советот на јавни обвинители. Вчера за оваа одлучуваа антикорупционерите на седницата, којашто траела околу четири часа, но без присуство на јавноста.
Седницата на антикорупциска беше најавена уште во петокот, меѓутоа комисијата без образложение одлучи да заседава зад затворени врати.
Првиот случај е дали внуката на претседателот на Советот на јавни обвинители Коле Штериев, Марија Ѓоргова била избрана за обвинител спротивно на законот.
Штериев инаку за неговата внука гласаше воздржано, а се правдаше дека бил присутен на седницата само за да се обезбеди кворум. Тој рече дека во родниниските врски не препознава судир на интереси.
Освен за изборот на внуката на првиот човек на Советот, судир на интереси, ДКСК ќе утврдува и при гласањето за нов мандат на обвинителката Лидија Раичевиќ во Обвинителството за организиран криминал. Таа го сомничи за злоупотреба на службената положба и за перење пари сопругот на нејзината колешка Фиданка Рајевска, која пак го поддржа реизборот на Раичевиќ. Сепак таа не доби нов мандат, бидејќи Советот утврди дека нема доволно бодови.