Пратеникот Љубен Арнаудов и организаторите на протестите за „Заедничка Македонија“ Борис Дамовски и Богдан Илиевски излегуваат од Шутка. Скопска апелација ги прифатила нивните жалби и им ја преиначила мерката притвор во домашен притвор а истовремено да им се одземе и пасошот, потврдија од Судот.
Освен за овие тројца осомничени во истрагата за 27 април, Апелација им определила куќен притвор и одземање на пасошот на Јане Ченто, кој вчера на јавна седница побара да излезе од притвор, Иван Цветановски кој работел во кабинетот на Велјановски и Оливер Радулов од УБК.
По вчерашната јавна седница скопска апелација одлучила екс министерот за внатрешни Митко Чавков да остане во притвор, Јохан Тарчуловски во домашен притвор, Горан Ангеловски, Илија Славевски од патриотските здруженија да останат во притвор, а отфрлени се жалбите и на Сашо Марковски и Вилијам Михајловски.
Денеска Апелација ги разгледува жалбите на пратеникот Сашо Василевски, потоа на Душко Лазаров, Горан Ѓошевски и Митко Пешов.