Аризона се подготвува за својата прва егзекуција по 2014 година, врз затвореник осуден за убиство на студентка, осум години откако државата ја изврши последната егзекуција со смртоносна инјекција, која излезе неуспешна.
Кларенс Вејн Диксон, осуден за смртоносно избодување и задавување на студентката на Државниот универзитет во Аризона, Диана Боудин во 1978 година, треба да умре денес во 10 часот по локално време во државниот затвор во Аризона.
Егзекуцијата на Диксон е прва во Аризона по грозоморната егзекуција на затвореникот Џозеф Вуд во 2014 година, кога беа потребни речиси два часа да почне да дејствува инјекцијата со смртоносниот коктел од хемикалии за да го убие Вуд. Сведоци рекоа дека тој се гушел и се мачел пред да умре. Властите се бранеа дека тој секако не бил свесен, бил во кома, и не почувствувал болки.
Потоа, Аризона ги запре егзекуциите. Во 2017 година, федерален судија прифати сеопфатни реформи на протоколите за смртна казна во државата, вклучително и договор да престанекористењето на одредени дроги. Државата рече дека ќе го ограничи овластувањето на затворот да го менува составот на смртоносната инјекција и ќе му дозволи на затвореникот да оспори било какви промени во дрогата.
Неколку државни влади и федералната влада на САД се мачеа во последниве години да ги подобрат состојките што се користат во смртоносните лекови за инјектирање, додека правните и етичките прашања земаат замав.
Диксон беше осуден на смрт во 2008 година, околу 30 години по убиството на Боудин. Случајот остана нерешен до 2001 година, кога инспекторите ја поврзаа ДНК-та на Диксон со доказите пронајдени на местото на злосторството. Во тоа време, Диксон служел доживотен затвор за сексуален напад во 1986 година.
Судијата на Врховниот суд минатата недела пресуди дека Диксон е психички способен да биде погубен. Олсон рече дека Диксон има шизофренија, но покажал „софистицираност, кохерентно и организирано размислување“.