Рафаел Надал се врати на првото место на АТП ранг листата иако не настапи во Мајами. Промената на лидерската позиција дојде како резултат на губењето на бодови на Роџер Федерер по раната елиминација од Танаси Кокинакис од Австралија во второто коло на последниот турнир од Мастерс серијата, па Шпанецот има 100 бода повеќе од Швајцарецот.
Марин Чилиќ го задржа третото место додека Александар Зверев, и покрај поразот во финалето во Мајами од Џон Изнер, напредуваше за една позиција и оваа недела ќе биде четврти рекет во светот. Во топ 10 кај мажите се и Григор Димитров, Хуан Мартин дел Потро, Доминик Тим, Кевин Андерсон, Џон Изнер и Давид Гофан. Пад за едно место бележи и Новак Ѓоковиќ кој сега е 13. на АТП листата.
Симона Халеп, пак, го држи тронот кај дамите и навлезе во 22. недела од нејзиното владење со ВТА листата. Романката има 8,140 бода пред Каролина Возњацки од Данска со 6,790 на второто место и Гарбиње Мугурза од Шпанија на третата позиција со 5,970 бода.
АТП листа
Рафаел Надал (Шпанија) 8,770 бода
Роџер Федерер (Швајцарија) 8,670
Марин Чилиќ (Хрватска) 4,985
Александар Зверев (Германија) 4,925
Григор Димитров (Бугарија) 4,635
Хуан Мартин дел Потро (Аргентина) 4,470
Доминик Тим (Австрија) 3,665
Кевин Андерсон (Јужна Африка) 3,390
Џон Изнер (САД) 3,125
Давид Гофан (Белгија) 3,110, итн.
ВТА листа
Симона Халеп (Романија) 8,140 бода
Каролина Возњацки (Данска) 6,790
Гарбиње Мугуруза (Шпанија) 5,970
Елина Свитолина (Украина) 5,630
Јелена Остапенко (Летонија) 5,611
Каролина Плишкова (Чешка) 4,730
Каролин Гарсија (Франција) 4,730
Венус Вилијамс (САД) 4,277
Слоун Стивенс (САД) 3,938
Петра Квитова (Чешка) 3,271, итн.