Светскиот тенис во финишот на сезоната ќе добие нов лидер. Шпанецот Рафаел Надал на 4 ноември ќе го потисне Новак Ѓоковиќ од првото место на АТП листата. Србинот, кој моментно е водечки, нема да настапи на турнирите во Виена и во Базел, а во пресрет на завршниот Мастерс во сезоната, играчите ќе останат и без освоените бодови во лондонска „О2 арена“ во 2018 година.
Ѓоковиќ лани на завршниот Мастерс забележа три победи во групната фаза, во полуфиналето го совлада и Кевин Андерсон пред да загуби од Александар Зверев во големото финале. Затоа на 4 ноември ќе остане без 1.600 бода (тука се сметаат и бодовите од Мастерсот во Париз) додека Надал тој ден нема да загуби ниту еден.
Шпанецот е во поповолна позиција и ќе патува како водечки во Лондон и по цена Ѓоковиќ да трумфира во француската престолнина. Единствена надеж за српскиот тенисер да остане на врвот на АТП листата е неговиот најголем ривал воопшто да не настапи на Мастерс турнирите до крајот на сезонатапоради проблемите со зглобот на раката.