Author: НОВА ТВ

Пожарот којшто беше активен на албанска територија на планината Галичица со помош на ветрот е веќе преминат на македонска територија кај граничен Камен  Ф9. Екипи на Националниот парк „Галичица“ и граничната полиција во моментов се на терен, затоа што постои опасност од проширување на пожарот и може да биде зафатена и заштитената зона од шума на Националниот парк „Галичица“, информираат од Центарот за управување со кризи, повикувајќи се на информации од РЦУК Охрид. -Во моментов гори сува трева, грмушки и ниска деградирана ретка шума и поради тоа што теренот е непристапен за гасење од земја со човечка сила ќе се…

Прашањето за започнување превоговори не е наше прашање, туку е прашање за Европската Унија што ќе прави со овој процес, што ќе прави со регионот. Дали ќе го зачува кредибилитетот на овој процес. Треба да се дадат јасни пораки по однос на регионот. Јас ги знам пораките, бидејќи 26 земји членки се разочарани за ова што се случува и знаат дека Северна Македонија заслужува веднаш да ги почне преговорите, изјави денеска шефот на дипломатијата Бујар Османи, во одговор на прашањето колку се реални очекувањата за напредок во ситуацијата со Бугарија. Османи потсети дека состојбата во Бугарија на политички план е…

Р.О. од Авганистан, мигрант, е тешко повреден откако се обидел да се качи на товарен воз кој тргнал од Железничката станица Криволак кон Скопје. Како што соопшти МВР, случајот е пријавен ноќеска, во 00:25 часот во Полициската станица Неготино. Р.О. е пренесен во комплексот клиники „Мајка Тереза“ за укажување лекарска помош. Извршен е увид на местото на настанот од екипа на Полициската станица Неготино.

Државниот долг заблежа намалување од 3,9 процентни поени. Денешните објавени податоци покажуваат дека тој се спушти на ниво од 52 проценти од БДП во однос на 30.6.2021, кога беше на ниво од 55,9 проценти, односно забележа намалување од 3,9 процентни поени. Значајно е тоа што средствата што беа обезбедени на меѓународниот пазар на капитал во изминатиот период се со историски најниска каматна стапка од 1,625 отсто, информираат од Министерството за финансии (МФ). Според МФ, намалувањето на државниот долг се должи пред се на раздолжувањето на Еврообврзницата во износ од 500 милиони евра извршена во јули годинава. Ова раздолжување ќе влијае…

Во овој момент не се размислува за седми пакет економски мерки за помош на стопанството и граѓаните за справување со последиците од корона кризата, порача денеска вицепремиерот за економски прашања Фатмир Битиќи. -Разговори ќе имаме. Секојдневно разговарам со стопанските комори и ако навистина тоа е нужно ќе направиме одредена мерка зашто не знаеме колку ова привремено лимитирање на движење на граѓаните ќе влијае. За жал сме и во предизборен период и секоја мерка може да се протолкува различно и затоа нема да кажам дали ќе има или нема да има мерка. Само потврдувам дека се разговара и ако е вистински…

Вакцинацијата се одвива непречено на сите пунктови низ државата, а во тек е и теренска вакцинација. На вакциналните пунктови во државата и на терен, заклучно со вчера вакцинирани се вкупно 722.578 граѓани. Прва доза вакцина во саботата и вчера примиле 9.240 граѓани, а вкупно се вакцинирале 18.292 граѓани. Во државата вкупно се аплицирани 1.253.612 дози вакцини, а ревакцинирани се 531.033 граѓани, информира Министерството за здравство. Со последните бројки 52% од населението над 40 години имаат примено барем една доза вакцина и 28% од населението над 18-39 години е вакцинирано со барем една доза вакцина. Граѓаните без закажан термин се вакцинираат,…

 Поради сообраќајна несреќа вечерва во прекин е сообраќајот на патот Делчево – Пехчево во близина на село Црник. Сообраќајката како што информираат возачи кои сообраќале на споменатиот патен правец се случила помеѓу три возила, од кои едно со странски регистерски таблички и две со македонски регистерски таблички. Возачите очевидци како причина за сообраќајката го наведуваат можното одбегнување на одрон по што дошло до судир на возилата. Полицијата врши увид на местото на настанот, а повеќе информации за причините за сообраќајната несреќа најавија во текот на утрешниот ден.

Со врачување на наградите „Браќа Миладиновци” за најдобра поетска збирка меѓу две фестивалски изданија на македонската поетеса Лидија Димковска за книгата „Гранична состојба“ и „Мостови на Струга” за најдобра дебитантска збирка на млад автор, на српскиот поет Владан Кречковиќ за збирката „Париз, Тексас“, вечерва на летната тераса во хотелот „Дрим“, заврши 60. јубилејно издание на меѓународниот поетски фестивал Струшки вечери на поезијата, што од 26 август се одржуваше во Струга. Наградата „Браќа Миладиновци“ ја врачи директорот на Фестивалот Тодорче Тасевски, а „Мостови на Струга“ претседателката на Управниот одбор Елизабета Шелева. Лауреатот на најпрестижната фестивалска награда Златен венец, британската поетеса Керол…

Франција и Велика Британија ќе поднесат заедничка резолуција на итен состанок на Обединетите нации во понеделник, со која се предлага воспоставување безбедна зона во Кабул. Безбедната зона ќе биде под контрола на ОН и ќе нуди засолниште за луѓето што се обидуваат да го напуштат Авганистан, јави Би-Би-Си. – Не можам да видам кој би можел да се спротивстави на овозможување безбедност на хуманитарните операции, рече францускиот претседател Емануел Макрон за време на посетата на Мосул во Ирак. Ситуацијата во Авганистан ќе биде централна тема на утрешниот останок на амбасадорите на Велика Британија, Франција, САД, Кина и Русија во ОН. Макрон вчера рече дека Франција води прелиминарни разговори со талибанците за хуманитарната…

Ураганот Ида, кој се смета за „екстремно опасен“, денеска ги погоди бреговите на Луизијана. Според американските метеоролошки служби, ветровите се движат со брзина до 240 километри на час. „Ида“ удри во близина на Форт Фуршон, јужно од Њу Орлеанс, шеснаесет години откако ураганот Катрина го опустоши овој регион во јужниот дел на САД.

Албанскиот премиер Еди Рама, во врска со континуираните одложувања на отворањето на пристапните преговори за членство на Албанија и Северна Македонија во ЕУ, двете земји ги споредува со ликовите од драмата „Чекајќи го Годо“, а ЕУ со нејзиниот автор Семјуел Бекет. -Нашите две земји, Албанија и Северна Македонија, станаа како ликовите во „Чекајќи го Годо“, а ЕУ многу личи на авторот Семјуел Бекет. Италија беше наш верен поддржувач цело време. Прво Ренци, потоа Гентилони, па Конте и особено Ди Мајо не можеа да се ангажираат повеќе од тоа за да потврдат дека заслужуваме отворање преговори. Но, ЕУ е далеку од…

Холанѓанецот Макс Верстапен (Ред Бул), бидејќи стартуваше од пол – позицијата за Големата награда (ГН) на Белгија, откако забележа одличен резултат на вчерашните квалификации, денеска го подигна пехарот. Дождот не дозволи да се создадат услови на пистата СПА – Франкошамп за трка, па иако имаше обид со два церемонијални круга со безбедносно возило натпревар сепак да има, на крај организаторите решија да се пресликаат резултатите од квалификациите. Па така, Британецот Џорџ Расел (Вилијамс) заврши на втората позиција, а трет на подиумот застана неговиот сонародник, актуелниот светски првак Луис Хамилтон. Стартот на трката во Формула 1 за Големата награда на Белгија попладнево…