Агенцијата за аудио и аудиовизуелни медиумски услуги извршила вонредн надзор на телевизискиот програмски сервис „Телевизија Нова“ и известувањето за настаните во Собранието на 27.04.2017 година, со што предмет на надзорот биле начелата за професионално известување. Анализирани се два информативни блока, првиот „Дневен бриф“ во 18:17 минути со Бојана Димитријевска и „ТВ Нова вести“ од 21:35 со Билјана Василева Трендафилова.
„Спротивно на член 61, став 1 алинеја 9 од Законот за аудио и аудиовизуени медиумски услуги, програмскиот сервис Трговско радиодифузно друштво „Телевизија Нова ДООЕЛ Скопје“, на 27 април 2017 година, при известувањето за случувањата во Собранието на Република Македонија, не ги почитуваше професионалните начела за вршење на дејноста, односно не обезбеди објективно и непристрасно прикажување на настаните со еднаков третман на различните гледишта и мислења и овозможување на слободно оформување на мислењето на публиката за одделни настани и прашња“,стои во писмен извештај за извршен програмски надзор на АВМУ.
Директорот на АВМУ, Зоран Трајчевски, предложил писмено да укаже на Телевизија Нова, дека со програмата емитувана на 27 април 2017 година ги прекршиле начелата за вршење на дејноста, согласно член 61.