Австрискиот канцелар Вернер Фајман денес поднесе оставка и истовремено се повлече од функцијата претседател на социјал-демократската партија СПО.
На негово место привремено е назначен вице канцеларот Рејнхолд Митерлехнер од конзервативната партија.
Причината за оваа оставка е катастрофалниот резултат на неговата партијата на последните претседателски избори чиј што прв круг се одржа на 24 април а вториот е закажан за 22 мај.
На овие избори победи кандидатот на екстремно десната партија ФПО Норберт Хофер кој на 22 мај ќе се соочи со Александер ван дер Белен, кандидатот на партијата на екологистите кој застана на второ место на овие избори.
Социјал-демократите и конзервативците на овие избори освоија одвај по 11 отсто гласови или 23 отсто за двете партии додека ФПО освои 32 отсто од гласовите.
Денес Фајман требаше да претседава на повеќе состаноци на неговата партија но вчера, на една церемонија, беше исвиркан од младите членови на неговата партија и од синдикалистите кои му забележуваат што ја заострил политиката на азил.
Од друга страна, некои членови на социјал демократската партија отворено бараа од Фајман да му подаде рака на Хофер но досегашниот канцелар одамна одбива да дозволи влез на екстремната десница на федерално ниво, иако двете партии, СПО и ФПО, се во коалиција во неколку градови и региони.
Се уште не е познато дека во Австрија ќе бидат распишани предвремени избори и се очекува конечниот резултат на претседателските избори.