Американскиот претседател Џозеф Бајден одржа прес конференција на која рече дека Путин избрал војна и немал намера да разговара со него. Тој е уверен дека две третини од светот не ја поддржуваат руската воена интервенција и очекува санкциите кои ги нарече остри, да вродат со плод иако , како што потенцира, можеби најголем притисок ќе се извршело со санкции кон руските банки но дека Европа во целост не се согласила со тоа.
Бјаден нагласи дека Путин со месеци наназад трупал војници на границата со Украина и ги отфрлал дипломатските напори на САД и сојузниците.
„Тие ја обвинија Украина за геноцид и агресија, Ги призна т.н. републики на украинска територија.Путин објави војна и за само неколку моменти проектилите почнаа да паѓаат врз Украина. Путин е агресорот кој ја избра оваа војна и сега тој и неговата земја ќе ги сносат последиците. Денеска најавувам строгу санкции. Само што разговарав со лидерите на Г- 7 ќе ја ограничиме способноста на Русија да работи во долари, фунти и евра“ рече Бајден.
„Агресијата на Путин против Украина на крајот ќе ја чини Русија скапо економски и стратешки. Изборот на Путин да направи тотално неоправдана војна против Украина ќе ја остави Русија послаба, а остатокот од светот посилен“, додаде американскиот претседател.
Тој уште изјави дека го овластил распоредувањето на воздушните и копнените сили во Европа на источното крило на сојузниците и ја потврди посветеноста на Соединетите држави да го бранат НАТО.
„САД ќе ја бранат секоја педа од територијата на НАТО со целосната сила на американската моќ“, изјави Бајден.
Одговарајќи на новинарски прашања, Бајден нагласи дека односите со Русија се загрозени и ако Русија продолжи така односите ќе бидат уште полоши.За кинеската улога за надминување на воената агресија, Бајден одби да одговори а на прашањето дали контактирал со Индија, рече дека тоа ќе го направи допрва.
(М.Т.)