Ако сте вакцинирани, тогаш сте заштитени, ве молам, вакцинирајте се, нагласи американскиот претседател Џозеф Бајден во Белата куќа, зборувајќи за планот за вакцинација. Тој ја упати пораката неколку дена откако не беше исполнета целта да бидат имунизирани 70 отсто од граѓаните со најмалку една доза до Денот на независноста во САД.
– Америка се враќа и се спојува. Борбата против вирусот не е завршена. Милиони граѓани не се вакцинирани. Ова стана голема загриженост поради варијантата Делта, која е полесно пренослива и поопасна, нагласи Бајден, додавајќи дека 160 милиони луѓе ќе бидат вакцинирани до крајот на неделава.
Здравствените власти на САД во петокот соопштија дека 67 проценти примиле една доза вакцина против ковид-19, а 47 проценти примиле две дози.