Финансиското здравје на Црна Гора е сериозно оштетено бидејќи задолженоста по прогласената независност во 2006 година се зголеми за речиси 300 отсто додека за истиот период, бруто домашниот производ (БДП) порасна за само 45 отсто, изјави во интервју за „Вијести” директорот на Балканскиот бизнис центар, Бранко Драгаш.
„Вкупниот долг на Црна Гора на крајот од 2018 година изнесуваше 3,09 милијарди евра. Ако знаеме дека во 2006 година, кога Црна Гора се осамостои, тој изнесуваше 701 милиони евра, јасно е дека независна Црна Гора има рекорден долг од 2,3 милијарди евра или 192 милиони евра годишно. Црна Гора има 620.029 жители, и тоа значи дека секој граѓанин должи околу 5.000 евра , истакна Драгаш.
Од 2006 година, Црна Гора има годишен економски раст од 3,5 отсто, што значи дека БДП порасна кумулативно за 45 проценти, но задолженоста се зголеми за речиси 300 проценти. Како може со седум пати поголема задолженост од економскиот раст да се обезбеди финансиска стабилност? Тоа е невозможно кога платата на 52 отсто вработени е 250 евра и преку 52.000 млади луѓе се невработени, повеќе од 20.000 деца живеат во апсолутна сиромаштија, а над 65 отсто од пензионерите не можат да состават крај со крај. Ќе има се повеќе и повеќе сиромашни и се помал број богати, вели Драгаш.