Според главниот преговарач на Европската унија во процесот за Брегзит, Мишел Барние, Велика Британија ќе мора да постигне договор за излез од европското семејство до октомври 2018.
Тој вели Британците не смеат да ги одолговлекуваат преговорите за лични цели, а како пример го наведува пазарот. Берние е дециден дека времето е кратко бидејќи во март веќе мора да започне двегодишниот процес на активирање на членот 50.
– Времето ќе биде кратко. Јасно е дека периодот ќе биде помал од две години. На почетокот, во тие две години се вклучени и воспоставувањата на водичи и активирање на процесот. На крајот, секако договорот мора да биде потврден и од Советот и од Европскиот парламент. И Велика Британија ќе треба да го потврди, и се’ тоа треба да се направи за две години, изјави Французинот.
Барние беше назначен за главен преговарач на ЕУ на 1.октомври од страна на претседателот на Европската комисија, Жан-Клод Јункер, кој рече дека „сака искусен политичар за тешката задача“.
Медијаторот помеѓу Владата на Тереса Меј и ЕУ рече дека досега разговарал со влади од земјите-членки на ЕУ во однос Брегзит, притоа напоменувајќи дека не смее процесот да започен без Кралството и официјално него го активира членот 50.
– Да се биде член на Европската унија носи права и бенефиции. Другите земји кои не се дел од ЕУ не може да ги уживаат истите тие права и бенефиции бидејќи нема да подлежат на истите регулативи, потенцираше Барние.
Европскиот преговарач е дециден дека четирите слободи кои доаѓаат со Единствениот пазар на ЕУ (а помеѓу нив и слободата на движење) се неделиви, и „ситничарењето“ како што вели тој, не е опција на која треба да смета Велика Британија.