Еден од највлијателните социолози на 20 век, Зигмунт Бауман, почина денеска во Лидс на 91 година. Левичарот, социолог и филозоф беше Евреинг од Полска и дисидент кој избега во ССР која Германија ја нападна Полска. Во Полска станува дел од првата генерација офицери на комунистичката држава и работи во военото разузнавање каде што влегува на свои 19 години. Додека работи во армијата истовремено изучува социологија на Универзитетот за политички и социолошки науки во Варшава. Тој беше лојален на полските комунисти се до 1968 година кога во Полска се случува големата анти-семитска чистка. Тогаш ја напушта државата и се сели во Израел, а подоцна во Велика Британија каде што живее речиси до крајот на својот живот.
Бауман беше голем критичар на глобализацијата. Автор е на повеќе од 50 книги и има добиено многу меѓународни признанија за неговите истражувања во сферата на етиката, конзумеризмот, глобализацијата и модерноста. Го сметаа за човекот кој беше моралниот глас на оние кои го немаат, обесправените и слабите.
Во своето последно интервју дадено во јануари минатата година, Бауман зборува за социјалните мрежи и опасноста која лежи во нив.
На прашањето дали е скептичен за начинот на којшто луѓето денеска протестираат – на социјалните мрежи и за таканаречениот „фотеља активизам“ на интернет и дали смета дека социјалните мрежи се новиот опиум за народот, Бауман ќе одговори дека тие се страшна стапица која игра на сентиментот на страв од осаменоста која ја донесе ерата на индивидуализмот.
Прашањето на идентитет се промени од нешто со што си роден во нешто што ти е задача: да креирате само ваша заедница. Но заедниците не се креираат, или припаѓате на некоја или не. Она што социјалните мрежи го креираат е супститути, замена за тие заедници. Разликата помеѓу заедница и мрежа е во тоа што вие и припаѓае на заедницата, а мрежата ви припаѓа вам. Чувствувате дека вие сте во контрола. Ако сакате додавате пријатели, ако не ги сакате ги бришете. Вие контролирате кои се важните луѓе со кои ќе се поврзете. Луѓето така се чувстуваат малку подобро затоа што самотијата и напуштањето се најголемите стравови во ерата на индивидуализмот. Но, толку е лесно да додадете или да отстраните пријалите на интернет, што луѓето потфрлуваат во учење на вистинсктие социјални вештини кои ви се потребни кога ќе излезете на улица, кога одите на работа, кога ќе се најдете меѓу многу луѓе со коишто треба да остварите разумна комуникација. Папата Франсис го даде своето прво интервју откако беше избран за Папа на Евгенио Скалфари, италијански новинар и атеист. Тој со ова ни покажа дека вистинскиот дијалог не е во тоа да разговараме со луѓето кои веруваат во истите нешта како и ние. Социјалните медиуми не не учат на дијалог затоа што е толку лесно да се избегнат контроверзи. Но повеќето луѓе не ги користат социјалните мрежи за да се обединат или да си ги прошират хоризонтите, туку напротив, да се отсечат во една комфорна зона каде што единствениот звук што го слушаат е ехото на нивниот глас. Социјалните мрежи се многу корисни, обезбедуваат и задоволства, но тие се и стапица, ќе одговори тој.