Албанскиот претседател Бајрам Бегај укажа на опасноста од регионална дестабилизација по апсењето на тројцата косовски полицајци, за кои Приштина тврди дека биле киднапирани од српските сили во близина на границата со Србија.
Бегај ова го оцени како сериозен провокативен настан кој има за цел да го дестабилизира не само Косово, туку и целиот регион.
„Најостро го осудувам овој чин и апелирам до српските власти да ги ослободат косовските војници. Ги повикувам и меѓународните партнери да интервенираат и да обесхрабрат други слични акции, пишува Бегај во реакцијата објавена на Фејсбук“.
Шефот на албанската држава го повика Косово да не потпаѓа на провокации, туку да придонесе за намалување на тензиите.
„Повторно упатувам братски повик до косовските власти да не потпаѓаат на провокации и да придонесат за деескалација на ситуацијата. Координацијата со САД и ЕУ за враќање на преговарачка масата е многу важна“, оценува претседателот на Албанија.
Синоќа реагираше и албанскиот премиер Еди Рама кој наведе дека го чекаат ставот на КФОР, кој го истражува случајот и оти неговата земја стои на ставот за итна деескалација.