Амбасадорот на САД Џес Бејли во денешната изјава за медиумите пред ЕУ инфоцентарот вели дека одлуката на претседателот да не го додели мандатот е разочарувачка за Америка.
Како стратешки партнер на Макеоднија, Бејли го повика Иванов уште еднаш да ја разгледа својата одлука.
„САД се разочарани од одлуката на претседателот Иванов да одбие да го додели мандатот на парламентарното мнозинство да формира Влада. Веруваме дека ова не соодвестува со основните демократски принципи и владеењето на правото кои се клучни вредности на НАТО. Како стратегиски партнер на Македонија и со целосна почит кон суверенитетот на македонскиот народ го охрабтуваме Иванов да размисли за својата одлука“, изјави Бејли.
Во исто време Бејли ги повика и соседите на Македонија да бидат конструктивни земајќи ја в предвид политичката ситуација во Македонија.
Утринава Бејли испрати порака и на Твитер со која покажа дека САД и ЕУ се на иста линија кога се работи за Македонија:
„Се согласувам со еврокомесарот Јоханес Хан. Загрижен сум дека Македонија се оддалечува од принципите на демократијата и на владеењето на правото, суштински вредности на НАТО“, напиша Бејли на Твитер, споделувајќи ја синоќешната порака на еврокомесарот за проширување Јоханес Хан, кој напиша дека „во една демократија, парламентарното мнозинство мора да биде признаено, дури и ако тоа не му се допаѓа некому.“