Вечерва во киното „Фросина“ во МКЦ се одржа премиера на филмот „Океан од пластика“. На премиерата присуствуваше и американскиот амбасадор Џес Бејли кој им се обрати на присутните гости. Тој пред публиката меѓу кои имаше и студенти од Велес и Куманово раскажа приказна за едно негово искуство во Македонија кога бил на планинарње на Требиште.
„Видовме прекрасна природа, преубаво зеленило, но за жал и куп од ѓубре. Најверојатно некој бил на излет и го оставил целиот отпад зад себе. Ние го собравме ѓубрето и го симнавме надоле. Што мислите колку време ќе му требаше на тој отпад да се распадне“, запраша амбасадорот.
Бејли исто така додаде дека од филмот можат да се видат многу начини за ефикасно справување со отшадот.
„Сè почнува од вас. Вие сте тие кои ги носите одлуките. Се надевам дека од овој филм сите ке научиме дека треба да бидеме свесни и треба да ја заштитиме животната средина. И секако поракатра за ова да ја пренесеме понатаму, заклули Бехли.
Организатори на премиерата на филмот се Американската амбасада во Македонија и здружението „Ајде Македонија“.
