Има незнаење кај тие што се надлежни да спроведат такви механизми, а генерално тоа се однесува за поединци во владата, рече поранешниот министер за економија, Крешник Бектеши во вечерашното интервју на Телма ТВ во врска со сè уште незаживеаниот Закон за нефер трговски практики во пракса.
-Во законот за нефер трговски практики, на тие 2.500 и нешто производи кои се предвидени, не е дозволено да има маржа над 10 отсто во ланецот на трговија. Една од последните одлуки на владата за одредени производи е маржа од 15 отсто. Значи, владата носи одлука спротивна на Законот за нефер трговски практики. Не може на Влада да суспендира законско решение. И излегуваат јавност дека донеле некаква си одлука за да го заштитат животниор стандард на граѓаните и да влијаат за намалување на цените за основните прехранбени производи , а заборваат на читаат одредба од законот, истакна Бектеши.
Сите производители, сите трговци, сите добавувачи, вели Бектеши, ја имаат листата на производи за кои највисоката маржа треба да биде 10 отсто.
-Овие носат одлуки за маржи од 15 отсто и тоа на денот кога имаме зголемување на цените на основните прехранбени производи, дополни поранешниот министер за економија.