Published: Monday, January 31, 2022 14:18
Новата малопродажна цена на ЕУРОСУПЕР БС-95 изнесува 79,5, а ЕУРОСУПЕР БС-98 – 81,5 денари за литар, додека ЕУРОДИЗЕЛ (Д-Е V) и на Екстра лесното масло за домаќинство (ЕЛ-1) ќе се продаваат по 71,5 денари за литар.
Цената на бензините од вечерва на полноќ се зголемува за еден денар по литар, а дизел горивата поскапуваат за половина денар, реши денеска Регулаторната комисија за енергетика и водни услуги (РКЕ). Со оваа одлука се врши зголемување на малопродажните цени на нафтените деривати во просек за 1,01 отсто.
Новата малопродажна цена на ЕУРОСУПЕР БС-95 изнесува 79,5, а ЕУРОСУПЕР БС-98 – 81,5 денари за литар, додека ЕУРОДИЗЕЛ (Д-Е V) и на Екстра лесното масло за домаќинство (ЕЛ-1) ќе се продаваат по 71,5 денари за литар.
Со одлуката, за 0,509 денари за килограм се зголемува и малопродажната цена на Мазутот М-1 НС и таа ќе изнесува 44,722 денари.
Од РКЕ појаснуваат дека причина за зголемувањето на малопродажните цени на нафтените деривати е поради зголемените референтни цени на нафтените деривати на светскиот пазар во изминатите седум дена кај бензинот, во просек за 1,601 отсто и кај дизелот за 0,766 отсто, како и за 1,005 отсто повисокиот курс на доларот во однос на денарот. 