Бесплатно да трнзитираат од денеска ќе можат сите српските државјани кои во Македонија влегуваат преку граничниот премин Табановце со цел да транзитираат кон република Грција.
Со „М смарт“ картички кои патниците ги добиваат од службениците на МВР во кабината на пасошка контрола по проверка на документите и потврдата дека патуваат за Грција. Правилото е едно возило една картичка. Српките државјани велат дека се воодушевени од гестот на нашата земја, за нив Македонија е братска земја.
760 денари кредит има „М смарт“ картичката, средства кој се доволни за поминување на Коридор 10 во двата патни правци.
„М смарт“ картичката може да се користи до 15 август, но постои опција таа понатаму да се надополни со минимум 300 денари. 172 милиони денари издвои владата за изработката на овие картички, досега се изработени околу 65 илјади од нив кои и се доставени на МВР, а се очекува вкупно да бидат изработени 200 илјади.
Инаку македонската влада се одлучи на ваков чекор откако Србија беше првата држава што ни донираше вакцини против ковид 19 кога немавме ниту една за нашите граѓани. Тогаш започна само имунизирање на мал број здравствени работници. Во соседна Србија се вакцинираа околу 15 илјади македонски граѓани.