НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Интервју со Павле Гацов: Малите економии имаат мал број алтернативи за справување со американскиот економски протекционизам

April 7, 2025

Интервју со Мирче Јовановски: Последиците од царините на САД – губење работни места и странски инвестиции и намален извоз

April 3, 2025

Интервју со пратеничката на СДСМ Славјанка Петровска: Ни треба повеќе храброст но не во ветувањата туку во исполнувањата

March 25, 2025

Subscribe to Updates

Get the latest creative news from FooBar about art, design and business.

НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Би-Би-Си: Што откри разговорот меѓу Трамп и Путин за војната во Украина?

0
By Zoran Ivanov on May 20, 2025 ВОЈНА ВО УКРАИНА, СВЕТ, ТЕМА
СПОДЕЛИ
Facebook Twitter LinkedIn Email

Разговори за меморандум и „можен иден“ мир тешко можат да претставуваат цврста основа врз која брзо би се изградил траен договор.

Минатата година Доналд Трамп вети дека ќе го заврши војниот конфликт во Украина за „24 часа“, анализира Би-Би-Си.

Минатата недела изјави дека судирот нема да се реши сè додека тој и рускиот претседател Владимир Путин не можат лично да се сретнат и да ги „продискутираат“ работите.

Во понеделникот, повторно се случи поместување на теренот.

По двочасовен телефонски разговор со Путин, Трамп изјави дека за условите за мировен договор можат да преговараат само Русија и Украина – можеби со помош на новиот папа, Лав Четиринаесетти.

Сепак, американскиот претседател не го напушти својот оптимизам за остварување на мир, објавувајќи на социјалните мрежи дека завојуваните страни „веднаш ќе почнат“ преговори за прекин на огнот и завршување на војната.

Ставот на Трамп во одреден дел се разликува од рускиот.

Путин рече само дека неговата земја е подготвена да работи со Украина на изработка на „меморандум за можен иден мировен договор“.

Разговори за меморандум и „можен иден“ мир тешко можат да претставуваат цврста основа врз која брзо би се изградил траен договор.

Путин повторно истакна дека секое решение ќе мора да се зафати со „корените причини“ за војната, за кои Русија претходно тврдеше дека лежат во желбата на Украина за поблиски врски со Европа.

По телефонскиот разговор со Путин, Трамп на неговата платформа Truth Social објави дека Русија и Украина „веднаш ќе почнат преговори“ за прекин на огнот, додавајќи дека „двете страни ќе преговараат за условите“.

Но, постои можност дека најновиот став на Трамп околу војната во Украина е знак дека Америка на крајот ќе се повлече од преговарачката маса.

Трамп подоцна изјави дека нема да се откаже од посредувањето меѓу Русија и Украина, но призна дека „во глава има црвена линија“.

„Во игра е и големо его, но мислам дека нешто ќе се случи“, рече тој.

„Ако не се случи ништо, ќе се повлечам, а тие ќе мора да продолжат (со преговорите)“, додаде.

Таков потег, сепак, би отворил многу прашања – и ризици.

Ако Америка почне да се откажува од конфликтот, како што претходно се заканија и потпретседателот Џеј Ди Венс и државниот секретар Марко Рубио, дали тоа значи дека САД ќе ја прекинат воената и разузнавачка поддршка за Украина?

Ако тоа се случи, тогаш тоа би бил развој што Русија, со многу поголеми воени и други ресурси во споредба со Украина отсечена од американската поддршка, би го поздравила.

Таа перспектива е доволна за да го загрижи украинскиот претседател Володимир Зеленски.

„Клучно за сите нас е САД да не се дистанцираат од преговорите и стремежот кон мир“, изјави Зеленски во понеделникот, по разговорот меѓу Трамп и Путин.

Трамп и критиките кон Зеленски и Путин

Трамп повеќепати изрази незадоволство, па дури и фрустрација, поради Путин и Зеленски, сметајќи дека го одложуваат крајот на војната што влезе во четвртата година.

Го обвини украинскиот лидер дека се „коцка со Трета светска војна“ на експлозивна средба во февруари во Овалната соба, а во април изјави дека е „многу лут“ и „бесен“ на Путин поради новиот застој во преговорите.

Ако се остави настрана најновата реторика по разговорот меѓу Трамп и Путин, изгледа дека Украина и Русија се подготвени да продолжат со некаква форма на преговори – а разговор, во било која форма, е напредок по години на вооружен конфликт.

Останува да се види дали во руската делегација ќе има повисоки функционери од оние што беа во Истанбул на разговорите со украинските претставници на 16 мај.

Трамп нуди олеснување на санкциите

Трамп вети дека ќе ги ублажи санкциите кон Русија, како и дека ќе склучи нови трговски договори и економски инвестиции, за да го намами Путин кон мировен договор.

По разговорот на 19 мај, тој го повтори ова.

Од друга страна, не се разговарало за никакви негативни последици, како што се нови санкции за руското банкарство и извозот на енергенси.

Американскиот претседател минатиот месец предупреди дека нема да толерира Путин „да го прислушкува“, и рече дека Русија не треба да ги гаѓа цивилните области.

Но, на 19 мај, Русија го изведе најголемиот напад со дронови од почетокот на војната врз украински градови, а разговорот меѓу двата светски лидери јасно покажува дека прекин на огнот или мировен договор сè уште не се на повидок.

 

Би Би Си Путин телефон Трамп
Share. Facebook Twitter LinkedIn Email
ТИКЕР

Потврдена е првостепената пресуда против претседателот на Република Српска

August 1, 2025

Германија ќе испорача два системи „Патриот“ на Украина како дел од договорот со САД

August 1, 2025

Протест во Шабац против рудникот за литиум

August 1, 2025

Екс премиерот на Хрватска Санадер пуштен на условна слобода

July 31, 2025

Иран: САД мора да ни ја надомести штетата пред новите преговори

July 31, 2025
ФОКУС

Честитки од државниот за Илинден

ВЕСТИ August 2, 2025

Претседателката Гордана Сиљановска-Давкова по повод 2 Август, Илинден – Денот на Републиката, упати честитка до…

Одбележување на Илинден во Крушево, Пелинце и Скопје

August 2, 2025

Кијив: Ден на жалост по смртоносниот напад во кој загинаа најмалку 28 лица

August 1, 2025

Трамп ја намали царината за Македонија на 15 %

August 1, 2025

Претплати се на е-билтенот на НоваТВ

Добиј ги последните вести на твојата е-адреса.

CIVICA
Facebook
  • Редакција
  • Маркетинг
  • Политика на приватност
© 2025 НОВА ТВ

Type above and press Enter to search. Press Esc to cancel.