По повеќе месеци колебање Боб Дилан викендов оди во Стокхолм за да ја прими Нобеловата награда за литература.
Но местото и часот на доделувањето на наградата се држат во тајност и на церемонијата ќе учествуваат само Дилан и шведското жири.
Мистерија останува и неговиот говор за прием на наградата. Постојат шпекулации дека Дилан подготвил нова песна за оваа прилика.
Секој добитник на Нобеловата награда треба да ја презентира својата “Нобел лекција” во рок од шест месеци од доделувањето, што значи пред 10 јуни оваа година.
Сара Даниус, генералната сектретарка на Нобел изјави дека жирито и Дилан се договориле да се сретнат во мал број и ниту еден медиум не е поканет, како што тоа го посакувал Дилан.
Таа додаде дека Дилан нема да има говор но има причини на мисли, рече таа, дека говорот ќе биде испратен подоцна.
Доколку говорот не биде пратен паричниот дел од наградата нема да биде доделен а тој изнесува 838.000 евра.
Засега се знае со сигурност дека Боб Дилан предвидел два концерти во Стокхолм овој викенд со што почнува неговата европска турнеја со новиот троен албум со преработки на песните на Френк Синатра.
Светот беше изненаден есенва кога Нобеловата награда за литература му беше доделена на Боб Дилан за “креирање на нови поетски изрази во рамките на големата традицијата на американската музика”.