Експресниот пат Ранковце – Крива Паланка, третата лента кон Деве Баир и целосната рехабилитација на постоечкиот пат треба да ги завршиме кон средината на 2023 година со што ќе имаме комплетно нов Коридор 8, од Скопје до границата со Бугарија. Тоа ќе биде инвестиција од 100 милиони евра, истакна министерот за транспорт и врски Благој Бочварски во вестите на ТВ Канал 5.
Една од слабостите е тоа што досега работните групи многу често се формирале, но после првичните состаноци, изостанувале идни средби. Сега целта е да имаме многу поактивни, брзи и ефикасни средби, најмалку четири годишно. Овие работни групи коишто ќе разговараат на најразлични теми, ќе се среќаваат по потреба и почесто со ротација и во Бугарија, но и во Македонија, појасни Бочварски.