Ова место ми буди многу спомени, ова е главното место на злосторството на овој режим, ова плато, оваа улица стана главно место, каде многумина беа газени тука зашто кренаа глас против овој режим, рече Павле Богоевски, кој ја предводеше Шарената Револуција.
„Многумина ни велеа дека немаме шанса против Груевски и Мијалков, но ние докажавме дека можеме и ги симнавме на колена. Нашиот сон е поголем од секоја нивна болна амбиција. Колку и да се обидувате да не уништите, ние како плевел ќе никнеме и ќе ја браниме демократијата, рече Богоевски од бината пред насобраниот народ на митингот на СДСМ и Коалицијата„ За живот за Македонија“.
Јасно и гласно ти кажувам Груевски, но и вас господине Заев дека секоја наредна власт ќе се плаши од нашиот глас, од нашиот суд. Оваа борба е за никогаш не ни се повтори Груевски, еден човек, една партија или еден центар на моќ да ја присвои цела држава, рече Богоевски кандидат за пратеник од опозицијата.
На митингот се обрати и Никола Димитров, поранешен министер за надворешни работи.
„Никогаш не било полошо, се зависи од еден човек. Што направи тој, стотици иселени, понижени, земја на корупција, без надеж и перспектива. Земја на брутално богата партија и на брутално сиромашен народ. Ова не е Македонија, ова е Груевистан. Јас ја слушам како лелека државата, јас ја слушам и затоа сум тука. На 11 декеври доаѓаме да си ја земеме државата назад“, рече Димиров на митингот пред Владата.