Силна експлозија се случила доцна синоќа пред домот на новинарот на телевизијата Вијести, Сеад Садиковиќ во Бијело Поље. РТЦГ објави дека експлозивната направа била поставена под автомобилотсо белградски таблички.
Експлозијата се случила во близина на зградата на Вишиот суд околу 23 часот.
Ова е најновата во серијата експлозии во Црна Гора, што претходно им се приишуваа на криминалните кланови.
Во неколкуте досегашните пресметки во изминатите неколку дена загинаа повеќе од 20 луѓе од кои четири жртви беа случајни. Советот за национална безбедност на Црна Гора одржа седница на која оцени дека безбедносната ситуација во државата е нарушена по „зголемениот број судири меѓу организирани криминални групи“.
Советот побара, а раководителите на надлежни државни органи прифатија, формирање заеднички спец-тимови во кои се претставници од Обвинителството, Управата на полицијата и други органи со задача за ефикасна борба против организираниот криминал, се вели во соопштение по седница на Советот за безбедност.
Седницата се одржа оо двојното убиство во Подгорица кое им се припишува на пресметка на криминални групи.
– Договорени се постојани и координирани активности на надлежните служби кои ќе обезбедат силен и сеопфатен одговор на државата против организираниот криминал, се вели во соопштението.
Поради последните убиства во Подгорица, оставки поднесоа директорот на црногорската и началникот на подгоричката полиција, а сменет е началникот на Агенцијата за национална безбедност, одговорен за Подгорица.
Само во изминатиот месец во Подгорица имаше шест бомбашки напади и три убиства, поради пресметка на криминалци.