Апелациониот суд одлучи прислушуваните разговори да се користат како докази и во предметот „Титаник“ каде се обвинети првите луѓе на ВМРО-ДПМНЕ за изборни измами. Станува збор за над 1000 разговори кои докажуваат учество на обвинетите во местење на избори и фалсификување на изборниот резултат.
Со оваа одлука „бомбите“ ќе бидат искористени во судската постапка во предметот на Специјалното јавно обвинителство каде се обвинети 20 лице, вклучувајќи го лидерот, Никола Груевски. Меѓу обвинетите се и Миле Јанакиевски, Мартин Протуѓер, Кирил Божиновски и Гордана Јанкуловска. Се товарат за злосторничко здружување, злоупотреба на средствата за финансирање на изборната кампања и повреда на избирачкото право.
Вчера во Апелација беше одржана јавна седница на која се појавија поранешните министри Миле Јанакиески и Гордана Јанкулоска кои рекоа дека се жртви на прислушување и побараа овие разговори да не бидат користени како докази.
СЈО поднесе жалба откако Кривичниот суд на 20 октомври ги отфрли „бомбите“ како доказ за „Титаник“. Во овој случај освен Јанкиески и Јанкулоска обвинети се и Никола Груевски и Мартин Протоѓер.