Борис Џонсон би можел да стане следниот генерален секретар на НАТО, пишува Британски „Телеграф“. Џонсон би можел да го води НАТО по напуштањето на премиерската функција на Велика Британија, пишува весникот кој споделува и изјава на неименуван пратеник од Конзервативната партија.
„Ако аплицираше за функцијата генерален секретар на НАТО, претпоставувам дека може да му се обрати на претседателот Зеленски за препораки“, изјави еден од претставниците на неговата матична, Конзервативна партија.
Актуелниот генерален секретар на НАТО Јенс Столтенберг се очекува да се пензионира во септември 2023 година.
Истакнати британски конзервативци ја поддржуваат идејата Борис Џонсон да стане следниот генерален секретар на НАТО, но скептиците сметаат дека Франција најверојатно ќе стави вето на неговата кандидатура, пишува Дејли Телеграф.
Изданието забележува дека Џонсон е уште еден британски политичар за кој се зборува дека е во трка за функцијата.
Досега се споменуваа имињата на министерот за одбрана Бен Валас и поранешните премиери Тереза Меј и Дејвид Камерон.
Конзервативецот Ричард Дракс, висок член на Комисијата за одбрана на Долниот дом, изјави за весникот дека ќе го поддржи Џонсон за лидерската функција во НАТО, доколку тој тоа го сака.
Следниот политички шеф на НАТО требаше да биде објавен во септември минатата година, но изборите беа одложени за една година поради војната во Украина.
Пратениците од Украина и од Ториевците ја поддржуваат идејата Џонсон да биде можен кандидат, иако скептиците сугерираат дека тој најверојатно ќе биде пречекан со француско вето. Олекси Гончаренко, украинскиот пратеник, вели дека премиерот на Велика Британија ќе биде „вистинската личност да ја преземе функцијата од Јенс Столтенберг.“
Борис Џонсон ја има поддршката од високиот круг на ториевците да биде следниот генерален секретар на НАТО.