Лидерот на Обединети за Македонија, Љубе Бошковски, во својот говор пред пријателите и поддржувачите, како и некои од основачите на ВМРО-ДПМНЕ, соопшти дека ќе изготви прирачник за издржување во затворите.
Како што вели тој, инспириран од поддршката од братот Раде, кој е генерален секретар на ОМ, во прирачникот ќе го опфати феноменот на издржување за време на отслужување затворска казна.
Меѓу другото, Бошковски во говорот напоменува дека му е драго што граѓаните се спротиставуваат на улиците, сплотени во интер-етнички состав.
За крај ги повика граѓаните, со љубов да ја променат ситуацијата во Македонија.
– Ако можев јас да издржам по 10 години робување и да им протстам, не гледам причина зошто не можете и вие, потенцираше Љубе Бошковски.
Тој од затворот Идризово излезе на 3.јуни, откако одлежа 5-годишна затворска казна, обвинет дека незаконски ја финансирал изборната кампања за неговата партија.