Самитот на земјите од групата БРИКС започна во кинескиот град Сјамен, каде домаќинот, претседателот на Кина Си Џинпинг ги повика да преземат поголема улога во светското управување.
Лидерите на главните економии во развој Бразил, Мишел темер, на Русија Владимир Путин, на Индија Нарендра Моди, на Кина Си Џинпинг и на Јужна Африка Џејкоб Зума се собраа на дводневен, деветти по ред самит на БРИКС.
-Мора да го направиме меѓународниот поредок поправеден и правичен. Нашите се поблиски врски со остатокот од светот бараат нашите пет земји да играат поактивна улога во светското управување. Без нас многу предизвици не би можеле да бидат ефикасно решени, рече Си на отворањето на самиотот.
Си рече дека лидерите на петте земји треба да говорат „во еден глас“ и заедно да ги претстават своите решенија за глобалните проблеми и да ги чуваат заедничките интереси.
Кинескиот лидер ги повика колегите и да се спротивстават на растечкиот протекционизам во светот.
Сите пет земји на БРИКС ја поддржуваат слободната трговија и се противат на протекционизмот, иако Кина долго беше обвинувана за направедни бариери за странските компании.
Од 197 те милијарди долари инвестиции кои во 2016 ги остварии земјите од БРИКС, само 5,7 отсто биле во рамки на тие пет земји, рече Си и повика на поголема соработка во финансиите, одржливиот развој, иновациите и индустријата.
Ова е 9 самит на БРИКС група создадена пред 10 години со цел воспоставување алтернативен светски поредок во кој не доминираат земјите од западот.