Лидерите на ЕУ и земјите-членки ќе се сретнат утре вечер во Брисел на неформален состанок на Европскиот совет за да разговараат за тензиите околу Гренланд.
Ќе разговараме за неодамнешните случувања во трансатлантските односи и нивните импликации за Европската Унија, како и за координацијата на понатамошните чекори, а состанокот ќе го започнеме со размена на мислења со претседателот на Европскиот парламент, напиша претседателот на Европскиот совет, Антонио Коста, во покана.
Состанокот че започне во 19 часот, напиша Кошта. Пред два дена, Кошта објави дека ќе одржи вонреден состанок на Европскиот совет во следните неколку дена поради тензиите околу Гренланд.
Со оглед на важноста на неодамнешните настани и заради понатамошна координација, решив да свикам вонреден состанок на Европскиот совет во наредните денови, напиша Кошта на социјалната мрежа X.
Тој исто така објави дека по консултациите со земјите-членки на ЕУ, е потврдено дека ЕУ е „обединета во својата поддршка и солидарност со Данска и Гренланд“.
Европскиот совет е составен од шефовите на држави или влади на земјите-членки на ЕУ и претседателите на Европската комисија и Европскиот совет, а високиот претставник на ЕУ за надворешни работи и безбедносна политика учествува на состаноците, но не е член.