Бројот на загинати во Газа по објавувањето на договорот за прекин на огнот надмина 100 од кои најмалки 27 се деца

Повеќе од 100 луѓе се убиени во Газа, по објавувањето на договорот за прекин на огнот во средата, од кои најмалку 27 се деца, велат податоците на Цивилната одбрана на Газа.

Локалните екипи за итни случаи опишаа сцени на немилосрдно бомбардирање откако Израел и Хамас постигнаа договор, кој се очекува да стапи на сила во наредните денови.

Инаку, Израелскиот безбедносен кабинет ќе се состане во петок за да разговара за прекинот на огнот во Газа и договорот за ослободување заложници, според израелски официјален претставник . Состанокот доаѓа пред поширокото гласање во владата за одобрување на договорот, што се очекува во сабота, пренесуваат од CNN.