Бројот на загинати во земјотресот во Мјанмар надмина 3.000

Повеќе од 3.000 лица загинаа во Мјанмар по разорниот земјотрес со јачина од 7,7 степени што ја погоди земјата пред шест дена.

Портпарол на воената хунта што управува со земјата изјави дека досега се потврдени најмалку 3.085 жртви. Над 340 лица сè уште се водат како исчезнати, а 4.715 се повредени.

Во Мјанмар пристигнаа хуманитарни работници од 17 земји. Испорачани се речиси 1.000 тони хуманитарна помош и опрема, соопштија властите.

Продолжуваме со спасувачките операции и изразуваме благодарност до меѓународната заедница и медицинските тимови за нивната посветеност, изјави портпаролот.