Ролан Гарос го зголемува наградниот фонд за 10 отсто, па вкупната „тежина“ на турнирот во 2018 година ќе биде 39,2 милиони евра за разлика од ланските 36 милиони евра. Притоа се предвидени корекции на сите нивоа. Победниците ќе инкасираат 2,2 милиона евра што според Ги Форже, директор на гренслемот, е за 100,000 евра повеќе од 2017 година. Нагорен тренд во буџетот бележи и ставката квалификации што ги опфаќа и тенисер(к)ите кои нема да минат ниту едно коло. За таа фаза се планирани 40,000 евра што е за 5,000 евра плус од лани.
И покрај ова, Ролан Гарос останува гренслем со најмал награден фонд во однос на останатите три турнири. Победниците на Австралија опен оваа година добија по 2,5 милиони евра колку што заработија Роџер Федерер и Гарбиње Мугуруза за освоените трофеи на Вимблдон во 2017 година додека шампионите на Ју-Ес опен добиваат по 3 милиони евра.
Парискиот гренслем почнува на 27 мај и ќе трае до 10 јуни.