Откако Кристалина Георгиева, бугарската комесарка за буџет во Европската комисија (ЕК) одлучи да оди да работи во Светската банка, Бугарија е во потрага по нова личност која ќе биде комесар во Брисел но и во потрага во соодветниот портфељ за Бугарија.
Бугарскиот премиер Бојко Борисов смета на Бугарија треба да и припадна портфељот на екологија или регионален развој.
На Бугарија и треба комесар за екологија или регионален развој.
“Ни треба европски комесар за екологија или регионален развој. Во овие два сектори Бугарија има најголеми потреби и ќе се обидеме да добиеме еден од двата сектори”, изјави Борисов пред новинарите, јавува медиумот Новините.
Борисов: Георгиева успешен комесар
Тој додаде дека прво ќе разговара со претседателот на ЕК Жан-Клод Јункер и со него ќе ги разгледа можните опции: “Ние веќе имаме една од највисоките позиции со тоа што Бугарка ќе ја води Светската банка. Тоа е моќна институција и присуството на Георгиева е од корист за нашата земја”, рече Борисов.
Според него, Георгиева ја исполнила успешно својата функција како комесарка за буџет а европските фондови за Бугарија се зголемиле од 12 на 15 милијарди евра во периодоти кога Георгиева била комесар.
Во моментов комесар за екологија е Малтежанката Кармену Вела а за регионален развој Романката Корина Крету.
Се уште не е одлучено кој политичар или политичарка Софија ќе испрати во Брисел.
Претседателски избори на 6 ноември
Бугарите имаат поважна работа во овој момент и се подготвуваат за претседателски избори на 6 ноември и втор круг на 13 ноември.
Премиерот Борисов вети дека ќе даде оставка ако неговата кандидатка за претседател на Бугарија Цецка Цачева ги загуби изборите.
Во моментов исходот на битката за претседател помеѓу Цачева и генералот Румен Радев од опозициската социјалистичка партија е сосема неизвесен и може да има изненадувања.
Георгиева треба да биде замената во јануари 2017 година па се чека изборот на претседател и ветената оставка на Борисов доколку Цачева ги загуби изборите.