Бугарската жандармерија распореди водени топови околу Народното собрание, кои се користат за растерување на демонстранти.
Исто така се заменети и повеќето од оградите околу Собранието, додека пак безбедносниот периметар е проширен речиси до катедралата Свети Александар Невски.
За овој простор е најавен митингот против владејачката партија, а пред зградата на Народното собрание ќе се соберат симпатизерите на веќе трипартиската коалиција, додека внатре се водат дебатите за гласање недоверба. Полицијата и општина Софија синоќа порачаа дека ќе ги преземат сите мерки за раздвојување на групите демонстранти и зачувување на здравјето и животот на граѓаните.
Последен пат жандармеријата употреби водени топови за да ги растера протестите ноќта на 2 септември 2020 година, кои беа против владата на Бојко Борисов.
Во собранието денес почна расправите за изгласување недоверба на кабинетот на Кирил Петков. Се очекува да започне собирот и на симпатизерите на власта и на опозиционерите. Инаку, официјално најавените протести се од 17.30 до 18 часот, а известувања доставиле 11 партии и поединци. Протестите ќе бидат и провладини и антивладини.
Движењето околу Народното собрание се уште не е забрането.
(24 Часа)