Во бугарскиот парламент утре ќе се гласа за „оставката“ на Пламен Николов, а не за избор на нова Влада.
Гласање во бугарскиот парламент утре ќе има, но не за избор на влада, туку за оставката на кандидатот за премиер на „Има таков народ“, Пламен Николов, одлучи вонредниот претседателски совет кај спикерката Ива Митева, а објави БГНЕС.
„На двата претседателски совети што се одржаа денеска, беше договорено кандидатурата на Пламен Николов за премиер да не се разгледува мериторно, како и неговиот предлог состав на кабинетот, туку ќе се расправа и ќе се гласа само за неговата намера да се повлече од постапката во последен момент. Така, со својот чин, Парламентот ќе утврди дека мандатот даден на ИТН заврши безуспешно, што ќе ја отклучи процедурата тој да отиде во втората политичка сила“, рече Митева.
Гласањето во пленарната сала ќе се реализира како прва точка на утрешната седницата.
„Треба да има конечен чин на Собранието. Чинот на претседателот е конечен, стабилен и отсега топката е кај нас. Ова е наш натпревар и не можеме да избегаме од одговорноста да ја финализираме постапката, изјави Николај Хаџигенов од „Стани БГ! Доаѓаме!,“ по состанокот на вториот вонреден совет.