Фабрегас, Педро и Коста беа творци на новиот, 20. триумф, на Челзи во сезоната по кој тимот од „Стемфорд бриџ“ со крупни чекори гази кон титулата во Премиерлигата. Лондонските „сини“ во 26 коло го совладаа Свонси со 3:1 и барем на 24 часа ќе имаат плус 11 од Манчестер сити и 13 повеќе од Тотенхем на врвот на табелата.
Фабрегас, кој стана прв Шпанец со 300 мечеви во Премиерлигата, обезбеди предност за Челзи во 19 минута по асистенција на Педро. До крајот на полувремето израмни Љоренте и тоа беше се што успеаја гостите од Кардиф.
Поранешните фудбалери на Барселона ги сменија улогите во 72 минута. Педро по додавање на Фабрегас ги поведе „сините“ во ново водство со 2:1, а Диего Коста во 84 минута се погрижи да не бидат во центар на вниманието само екс членовите на Каталонците.
Честа на гостинските екипи попладнево ја спаси Барнли со ремито (1:1) кај Хал. Во сите останатите победија домашните екипи. Кристал палас беше за еден гол подобар од Мидлсборо (1:0), ВБА од Борнмут со 2:1 додека Евертон на „Гудисон парк“ славеше над фенерџијата Сандерленд со 2:0.
Премиерлига, 26 коло
Челзи – Свонси 3:1
Кристал палас – Мидлсборо 1:0
Евертон – Сандерленд 2:0
Хал – Барнли 1:1
ВБА – Борнмут 2:1
Вотфорд – Вест Хем 1:0 (во тек)
Саутемптон – Арсенал (одложен)
Манчестер сити – Манчестер јунајтед (одложен)
Тотенхем – Стоук (недела, 14.30 ч.)
Лестер – Ливерпул (понеделник, 21 ч.)
Табела: Челзи 63, Манчестер сити 52 (-1), Тотенхем 50 (-1), Арсенал 50 (-1), Ливерпул 49 (-1), Манчестер јунајтед 48 (-1), Евертон 44, ВБА 40, Стоук 32 (-1), Вест Хем 32 (-1), Барнли 31, Вотфорд 30 (-1), Саутемптон 30 (-1), Борнмут 26, Свонси 24, Мидлсборо 22, Кристал палас 22, Лестер 21 (-1), Хал 21, Сандерленд 19.