Четворица загинати во авион кој се урна во Словенија

Четири лица загинаа откако спортски авион марка „Пипер 320“ со шест седишта се урнал на северот на Словенија, јави словенечката полиција.  

Авионот кој бил регистриран во САД, тргнал од Лајпциг и слетал во Венеција, по што полетал за Словенија, исчезнал од радарот и се урнал во регионот на Ајдовшчина.

На  местото на несреќата пожарникарите нашле четири изгорени тела.  Се претпоствува дека до несреќата дошло поради силното невреме и за истражителите не е јасно како во такви временски услови воопшто можеле да добијат дозвола за летање.

Авионот од овој тип може да лета на висина од 5000 метри, но не е прилагоден за ниски темпаратури. Пред несреќата пилотот јавил дека има проблем со мразот кој се наталожил на авионот.