Четворицата загинати во лавина во Франција биле сноубордери

Четворица сноубордери загинаа вчера во лавина што се урна врз скијачкиот центар Тигнес на француските Алпи, објавија локалните власти по завршувањето на операцијата за спасување и веруваат дека тоа е конечниот број на жртвите.

Несреќата се случи во време на училишните празници и врвот на скијачката сезона.

Жртви на оваа лавина, за која сведоците, тврдат дека била околу 40 метри се 59-годишен инструктор, еден 48 годишен човек и неговите два сина на возраст од 15 и 19 години. Сите се пронајдени под големи количини на снег.

Лавината се случи надвор од скијачките стази, на висина од 2100 метри.