По пеколната недела со високи температури во Македонија, која ќе трае до 9 август со температури до 44°С, од 10-ти август се очекува пад на температурите, но неконтролиран раст на Ковид-19 статистиката, прогнозира професор доктор Нико Беќаровски од Клиниката за токсикологија на објава на социјалната мрежа „Фејсбук“.

– Почитувани мои здравствени работници и соработници, искористете ги следниве 10 дена да се разладите во солена/слатка/кисела вода, а потоа повторно “ќе пливаме” во сопствената пот, под скафандерите и маските. Ако е за утеха, потењето е најдобар дополнителен начин за детоксикација на организмот, напиша д-р Беќаровски.

Инаку, само вчера беа регистирани 81 нови случаи на Ковид – 19, од напревени 5.315 тестирања. Моментално во земјава има 525 случаи, најмногу во Скопје и Тетово.

Министерот за здравство, Венко Филипче, не ја исклучува можноста да се појават и нови соеви на коронавирусот.

Во земјава со две дози се вакицнирани 390.562 граѓани.