Но во делот на пријавување на починатите, факт е дека има застој во административниот пристап на одредени болници и затоа имаме паралелни регистри, за лицата кои во меѓувреме починале од ковид-19, а отпосле биле пријавени. Значи регистрите не се двојни, туку паралелни, вели НОВАТВ д-р Шабан Мемети, директор на Институтот за јавно здравје
За изјавата на д-р Злате Мехмедовиќ, портпаролот на Комисијата за заразни болести, кој во гостување на „Утрински Брифинг“ излезе со шокантна информација дека имало манипулација со бројките на починати од ковид-19, и дека тоа е тема на која ќе се разговарало на Комисијата за заразни болести, директорот на Институтот за јавно здравје, д-р Шабан Мемети, категорично тврди дека никој не манипилура со бројки на починати од ковид-19.
– Не е манипулација со бројки, бидејќи се што излегува како податок е поткрепено и не може да има манипулација од сериозни институции како Министерството за здравство, Институт за јавно здравје, Мој Термин. Но во делот на пријавување на починатите, факт е дека има застој во административниот пристап на одредени болници и затоа имаме паралелни регистри, за лицата кои во меѓувреме починале од ковид-19, а отпосле биле пријавени. Значи регистрите не се двојни, туку паралелни, вели за НОВАТВ д-р Шабан Мемети, директор на Институтот за јавно здравје.
Манипулативноста, според Мехмедовиќ била во тоа што требало да се разграничело кој умрел од ковид-19, а кој умрел од друга болест но во моментот имал и ковид-19 и е внесен во списокот на починати од ковид-19.
(Љ.Б.)