Д. Т
Да се потсетиме што всушност објави ЦИВИЛ Медиа во анализата „Копирајќи го Вучиќ, дали Мицкоски ја врти Македонија кон Кина“, пишува Авторот Драган Мишев, во анализата Скопје – Пекинг виа Будимпешта, во која се осврнува на милијардата евра, со која беше најавено дека ќе се задолжи нашата земја од друга држава, дека ќе бидат кинески пари, особено откако премиерот Мицкоски, обзнани дека заемот, но не во висина од најавената милијарда евра, туку двојно помал, го договорил со нему блискиот премиер на Унгарија.
Анализата на Мишев е фактички вивисекција на „грандиозните“ најави на актуелниот премиер Христијан Мицкоски, за уште по „грандиозното“ задолжување на државата, со уште по сомнителни финансиски извори, за што впрочем и станува збор во горенаведената анализа „Копирајќи го Вучиќ, дали Мицкоски ја врти Македонија кон Кина“, која на крајот од денот – или од случувањата, дава одговор на прашањето во насловот.
Тогашниот мандатар, а сегашен премиер на Северна Македонија, при гостувањето во емисијата „Само интервју“ на Канал 5, најави дека, веднаш по формирањето на новата влада, државата ќе се задолжи една милијарда евра, заем од друга држава, и тоа не од меѓународни финансиски институции, туку на ниво на соработка влада со влада.
Новинарот не (се осмели да) го праша ниту за која влада се работи, ниту кога и од која позиција го договарал задолжувањето, што јасно ја покажува идната сервилна поставеност на оваа телевизија, кон работата на идната Влада, пример кој е за очекување дека ќе го следат и другите телевизии со национална концесија, веќе видено во некои не толку далечни времиња, за кои се надевавме дека ги оставивме зад нас.
Сепак, може да се насети дека, најверојатно се работи за кинески кредити. Според познавачите, во моментов Кина е можеби единствената земја која може да си дозволи издвојување на толкава сума пари за директно кредитирање во странство.
Мицкоски нагласи дека станува збор за кредит од друга држава под многу поволни околности.
„Можам да најавам еден финансиски пакет, соработка влада со влада, во вредност од една милијарда евра со исклучително поволни услови, со добар грејс период, со исклучително атрактивна каматна стапка“, рече Мицкоски, потврдувајќи дека станува збор за кредит од друга држава, но не откри други детали.
Ова претставува опасност од воспоставување на финансиско ропство на државата. Имено, на ваков начин Кина ги колонизира сиромашните африкански земји, а во една таква финансиско-должничка спирала се фати и една соседна држава, чиј претседател се чини дека претставува рол-модел за владеење на идниот македонски премиер, по што може уште отсега да се насети во кој правец ќе се движи државата под водство на премиерот во најава.“ се наведува мешу другото во анализата на Мишев.
Преземено: Цивил Медиа