Трчањето е бесплатно, лесно и го намалува ризикот од срцеви заболувања и рана смрт. Но дали здравствените придобивки од трчањето се поголеми од оние од другите активности, како на пр.пешачењето, возењето велосипед или пливањето?
Според анализата во журналот Прогрес во кардиоваскуларните заболувања, луѓето кои практикуваат трчање живеат три години подолго од оние кои не трчаат. Дури не ни мора да трчате бргу или долго, за да ги забележите придобивките. Можете да конзумирате алкохот, да пушите цигари, да имате прекумерна телесна тежина, а сепак да го намалите ризикот од прерана смрт од 25% до 40%. Авторите на овој преглед тврдат дека ниедна друга вежба нема таков импакт – еден час трчање го зголемува Вашето очекување за живот за 7 часа. Редовното трчањето нема да Ве направи бесмртни, но според наведените докази, ефектот при продолжување на животот е поголем отколку од возење велосипед или пливање. Двајца од авторите на анализата беа истотака вклучени во студија објавена во 2014 која откри дека само 5 до 10 минути трчање дневно, при брзина помала од 9,6км на час, го намалува ризикот од срцеви заболувања и рана смрт. Ова е значително многу помалку труд отколку препораките за 150 минути вежбање неделно – што повеќето луѓе ги игнорираат.
Решение
Најдобра вежба е онаа во која уживате и сакате да ја правите. Трчањето е ефтино, лесно (само излегувате од дома и започнувате да трчате) и енергично. Дури и обичниот џогинг се смета за одлична вежба. Разликата меѓу трчање и џогирање е во брзната: при првото брзината со која се движиме треба да биде над 9,6км на час, а се’ под оваа брзина се смета за џогирање. Ако Ви недостасува време, доволно е само половина од трчањето да го остварите за да имате придобивки како од други спортови. Анџелик Брелентин од одделот за кинезиологија при Државниот универзитет на Ајова, која е една авторите на анализата, вели дека се потребни 105 минути пешачење за да се добијат резултати или придобивки од 25-минутно трчање.
Постојат ретки и трагични случаеви на смрт за време на трчање, но сепак ризикот за смрт од ненадеен срцев или мозочен удар е двојно поголем кај оние кои воопшто не трчаат. За да избегнете болка во колената (а не можете секогаш да ја избегнете, тоа понекогаш едноставно зависи од самата позиционираност на коленото), трчајте на помеки површини, правете вежби за зајакнување на мускулите во нозете, избегнувајте нагорнини и брда и трчајте во удобни обувки. Но Брелентин тврди дека не постојат докази дека трчањето го зголемува ризикот од остеоартритис на колената.
Трчањето треба временски и брзински да се зголемува етапно се до најмногу 48км во неделата. Брелентин вели дека луѓето кои практикуваат трчање се поеластични, имаат помало ниво на телесни масти и помали димензии во обемот отколку оние кои вежбаат други спортови. Трчањето е особено добро при губење на масните наслаги околу стомакот. Потребни се само 30 до 60 минути неделно да се почувствуваат придобивките од трчањето.